Det florerer av jubileumsmarkeringar av kreative folk i år. Storhendingane kjem som perler på ei snor, og vi såkalla alminnelege får rett og slett berre servert lukka regelrett på sølvfat. I denne saka skal vi konsentrere oss om filmressigøren Ivo Caprino som var fødd 17. februar 1920, og som er mannen bak "levandegjeringa" av ein haug dukker i si eventyrlege verd gjennom tidene.
Denne markeringa landa rett og slett perfekt på første dag av vinterferien vår ved Hundeidvik Privatskule, men i SFO-basen heldt vi ope må vite. Klart vi gjorde, og gjett om vi fekk nytta høve til feiring i rikt monn.
I forkant av veka sende vi ut spørsmål til foreldra om dei hadde slyngande nokre makkerlause strømper etter siste klesvasken,- og om dei eventuelt var villege til å ofre dei slik dei kunne få bli vidareforedla til hand-dukker. Responsen av leveranse vart enorm, og vi var altså dermed i gang med prosjektet.
Vi leita i tillegg fram masse gamle knappar, restetråd, "levande auger", synåler og limpistolar,- så køyrde vi på.
Flokken laga dermed kvar sine unike "fri-for-tåfis-hand-dukker", raska vidare saman nokre laken og stæsj til scene og rekvisittar, - og ga raskt gass med å lage eige manus til dokketeater.
Gjennom prosessen tok vi mange bileter og videoar med iPad, og tilslutt laga vi både trailer og film i appen imovie.
Ein heilt herleg aktivitet som vi brukte mykje av veka på.
Som oppvarming og inspirasjon såg vi på Flåklypa Grand Prix på sjølvaste bursdagen til Caprino.
I følge piggsvinet Ludvik var dette faktisk "itte fali" aktivitet i det heile tatt... Berre kjekt!!!
For å lage slike unike strømpe-Liser og strømpe-Larser treng du altså:
- Strømper i alle moglege størrelsar.
- Assostert utval av gamle knappar og evt "levande auger".
- Restetråd
- Synål
- Limpistol
Sy og dander akkurat slik du vil, i fri SuperFantastiskOptimistisk Caprinostil!
|
|
.jpg)
.JPG)
